MIUI ជំនាន់ទី 8 ថ្មីនេះត្រូវបាន Xiaomi បន្ថែមមកជាមួយមុខងារថ្មីៗមួយចំនួន ដែលសុទ្ធសឹងជាមុខងារជួយទៅដល់ការប្រើប្រាស់ឲ្យកាន់តែមានភាពងាយស្រួល ពិសេសមុខងារ 2 ដំណើរការក្នុងពេលតែមួយ ហើយបញ្ជាប្រើក្នុងពេលតែមួយតែម្ដង វាពិតជាល្អសម្រាប់ស្មាតហ្វូនប្រើប្រាស់ស៊ីមកាត 2 របស់ Xiaomi។ ក្នុងនោះយើងក៏ឃើញមានការផ្លាស់ប្ដូរទៅលើផ្ទាំងរបា Notification ផងដែរ ដោយវាបានផ្លាស់ប្ដូរថ្មីស្រឡាង ធំជាងមុន ងាយស្រួលបញ្ជា និងមើលនឹងភ្នែក ពិសេសវាក៏ធ្វើការផ្លាស់ប្ដូរពណ៌របស់ Animation ទៅតាមអាកាសធាតុទៀតផង ហើយមុខងារធំៗដែលបំពាក់នៅ MIUI 8 នេះយើងឃើញមានដូចជា៖
Scrolling Screenshots នេះគឺជាមុខងារថ្មីមួយដែលអនុញ្ញាតឲ្យអ្នកប្រើប្រាស់ធ្វើការថតរូបនៅលើផ្ទៃអេក្រង់របស់ស្មាតហ្វូនខ្លួនបានពេញមួយទំហឹងតែម្ដង មានន័យថាបើអ្នកចូលអានអត្ថបទពត៌មាន ឬទស្សនារូបភាពផ្សេងៗតាមគេហទំព័រនានា ដែលមានខ្លឹមសារវែង ហើយចង់ធ្វើការថតវាទុកនោះ គឺលែងពិបាកទៀតហើយ ដោយយើងអាចថត Screenshot តែមួយប៉ុស្ដប៉ុណ្ណោះ យើងនឹងទទួលបានរូបភាពពេញមួយតួ page ឬពេញមួយគេហទំព័រនោះតែម្ដង។ (សូមមើលរូបភាពខាងក្រោម)
Dual Apps នេះគឺជាមុខងារពិសេសមួយផ្សេងទៀតសម្រាប់អ្នកប្រើប្រាស់ស្មាតហ្វូន Xiaomi ដែលមានស៊ីមកាតដល់ទៅ 2 ដោយអ្នកអាចដំណើរការកម្មវីធីដូចគ្នាមួយចំនួនបាន 2 ក្នុងពេលតែមួយ មានន័យថាបើអ្នកមានគណនី WhatsApp ចំនួន 2 អ្នកអាចប្រើប្រាស់បើគណនីរបស់អ្នកទាំង 2 នោះក្នុងពេលតែមួយបានដោយប្រើមុខងារ Dual Apps នេះ ដោយគណនីមួយសម្រាប់ស៊ីមកាតមួយ។
Dual Spaces មុខងារនេះអនុញ្ញាតឲ្យអ្នកប្រើប្រាស់ធ្វើការជាមួយអេក្រង់មួយ តែបែងចែកចេញជា 2 ផ្សេងៗគ្នាទៅលើមុខងារមួយចំនួន ដែលអ្នកប្រើប្រាស់វាក្នុងពេលតែមួយជាមួយគ្នា។
ទាំងនេះគឺជាមុខងារធំៗចំនួន 3 ដែលបានបំពាក់លើ MIUI ជំនាន់ទី 8 តែនៅមិនទាន់អស់នៅឡើយទេ ក្នុងនោះនៅមានមុខងារពិសេសៗផ្សេងទៀត ដូចជា Caller ID កាន់តែមានភាពងាយស្រួលប្រើប្រាស់ និងផ្ដល់ពត៌មានបានកាន់តែប្រសើរទៅលើឈ្មោះ Contact, អ្នកកំពុង Call មកហើយ, អ្នកដែលយើងកំពុងហៅចេញ និងថែមទាំងមានលេខទូរស័ព្ទរបស់អ្នកជំនួញ ក៏ដូចជាក្រុមហ៊ុនអាជីវកម្មល្បីៗ ក្នុងការផ្ដល់សេវាកម្មនានាថែមទៀតផង មានន័យថាយើងមិនចាំបាច់មានលេខទូរស័ព្ទទាំងនោះក្នុងស្មាតហ្វូនយើងឡើយ គឺវាមានដោយស្វ័យប្រវត្តិតែម្ដង តែវានឹងមិនអាចដំណើរការមុខងារនេះនៅស្រុកខ្មែរយើងទេ គឺបានតែស្រុកចិនប៉ុណ្ណោះ។
ប្រភព : CAMBO-REPORT
0 comments :
Post a Comment